Դիմորդ
EN| RU| ARM

ԳԼԱՁՈՐ

Համալսարան

ՀԱՆՐԱԿՐԹԱԿԱՆ ԴՊՐՈՑ

ՔՈԼԵՋ

ՀԱՄԱԼՍԱՐԱՆ

Վերջին

Նորություններ

Գլաձորյան դիպլոմները հանձնվեցին

Շրջանավարտների հերթական սերունդը փակեց ուսանողական տարիների հուշամատյանը: Ինչպես ամեն տարի, այս անգամ ևս Երևանի «Գլաձոր» համալսարանը դեպի հասուն կյանք ճանապարհեց մի խումբ տարբեր մասնագիտությունների տեր, բանիմաց երիտասարդների: Յոթ տասնյակից ավել երիտասարդներ այլևս կարող են իրենց տարիների ընթացքում կուտակած գիտելիքներն ի նպաստ ծառայեցնել իրենց ու պետությանը:

«Գլաձորում ձեռք բերած փորձն ու գիտելիքները ձեզ ծառայելու են ամբողջ՝ թե՛ մասնագիտական, թե՛ անձնական կյանքում: Այստեղ դուք տարիների ընթացքում հնարավորություն ունեցաք ունկնդրելու այնպիսի մասնագետների դասախոսություններ, ովքեր պատրաստակամ են կրթել և դաստիարակել գիտակ ու բանիմաց սերունդ: Այսօր արդեն, երբ դիպլոմը ձեռքներիդ մտնում եք հասուն կյանք, ժամանակն է ձեր գիտելիքներն օգտագործել մասնագիտական կյանքում՝ լինելով արդարադատ ու անկողմնակալ անհատականություններ»,-դիպլոմներն անհատապես ամենքին հանձնելուց առաջ շրջանավարտներին բարի երթ մաղթելով ասաց «Գլաձոր» համալսարանի ռեկտոր,  իր. գիտ. դոկտոր, պրոֆեսոր Ժորա Ջհանգիրյանը՝ ավելացնելով, որ ավարտողներից շատերի հետ դեռ կհանդիպեն մագիստրատուրայում և ասպիրանտուրայում:

Համալսարանի դասախոսների խստապահանջության, թե ուսանողների փոքր-ինչ թերանալու պատճառով այս տարի կարմիրդիպլոմավորների թիվը զիջում էր նախորդ տարիներին, բայց լիարժեք գիտելիքներով հարուստ շրջանավարտներից շատերը վստահ լինելով իրենց ուժերին՝ համոզված են, որ մոտ ժամանակներս իրենց արժանի տեղն են գտնելու հանրապետության իրավական, բանկային և շատ այլ համակարգերում: «Տարիների քրտնաջան աշխատանքի շնորհիվ ինձ հաջողվեց արժանանալ կարմիր դիպլոմի, բայց գույնն ինձ համար բոլորովին նշանակություն չունի, ես ամենից ավելի կարևորում եմ մարդու գիտելիքն ու աշխատանքը: Նպատակ ունեմ լավ իրավաբան դառնալ, ես նպատակասլաց մարդ եմ, ով պատասխանատու է իր յուրաքանչյուր քայլի համար: Միանգամից բարձր պաշտոնների չեմ ձգտում, բայց հուսով եմ, որ շնորհիվ իմ պատասխանատվության և պատրաստակամության կհասնեմ բարձունքների»,- ասաց իրավաբանական ֆակուլտետի շրջանավարտ Լիաննա Այվազյանը: Երիտասարդների ակնկալիքները մեծ են և արդարացված, քանի որ «Գլաձոր» համալսարանի տված գիտելիքներն ու դիպլոմը տարիներ շարունակ կանաչ ճանապարհ են հարթել շատ շրջանավարտների համար:

READ MORE

Գլաձորյան դիպլոմները հանձնվեցին

Շրջանավարտների հերթական սերունդը փակեց ուսանողական տարիների հուշամատյանը: Ինչպես ամեն տարի, այս անգամ ևս Երևանի «Գլաձոր» համալսարանը դեպի հասուն կյանք ճանապարհեց մի խումբ տարբեր մասնագիտությունների տեր, բանիմաց երիտասարդների: Յոթ տասնյակից ավել երիտասարդներ այլևս կարող են իրենց տարիների ընթացքում կուտակած գիտելիքներն ի նպաստ ծառայեցնել իրենց ու պետությանը:

«Գլաձորում ձեռք բերած փորձն ու գիտելիքները ձեզ ծառայելու են ամբողջ՝ թե՛ մասնագիտական, թե՛ անձնական կյանքում: Այստեղ դուք տարիների ընթացքում հնարավորություն ունեցաք ունկնդրելու այնպիսի մասնագետների դասախոսություններ, ովքեր պատրաստակամ են կրթել և դաստիարակել գիտակ ու բանիմաց սերունդ: Այսօր արդեն, երբ դիպլոմը ձեռքներիդ մտնում եք հասուն կյանք, ժամանակն է ձեր գիտելիքներն օգտագործել մասնագիտական կյանքում՝ լինելով արդարադատ ու անկողմնակալ անհատականություններ»,-դիպլոմներն անհատապես ամենքին հանձնելուց առաջ շրջանավարտներին բարի երթ մաղթելով ասաց «Գլաձոր» համալսարանի ռեկտոր,  իր. գիտ. դոկտոր, պրոֆեսոր Ժորա Ջհանգիրյանը՝ ավելացնելով, որ ավարտողներից շատերի հետ դեռ կհանդիպեն մագիստրատուրայում և ասպիրանտուրայում:

 

Համալսարանի դասախոսների խստապահանջության, թե ուսանողների փոքր-ինչ թերանալու պատճառով այս տարի կարմիրդիպլոմավորների թիվը զիջում էր նախորդ տարիներին, բայց լիարժեք գիտելիքներով հարուստ շրջանավարտներից շատերը վստահ լինելով իրենց ուժերին՝ համոզված են, որ մոտ ժամանակներս իրենց արժանի տեղն են գտնելու հանրապետության իրավական, բանկային և շատ այլ համակարգերում: «Տարիների քրտնաջան աշխատանքի շնորհիվ ինձ հաջողվեց արժանանալ կարմիր դիպլոմի, բայց գույնն ինձ համար բոլորովին նշանակություն չունի, ես ամենից ավելի կարևորում եմ մարդու գիտելիքն ու աշխատանքը: Նպատակ ունեմ լավ իրավաբան դառնալ, ես նպատակասլաց մարդ եմ, ով պատասխանատու է իր յուրաքանչյուր քայլի համար: Միանգամից բարձր պաշտոնների չեմ ձգտում, բայց հուսով եմ, որ շնորհիվ իմ պատասխանատվության և պատրաստակամության կհասնեմ բարձունքների»,- ասաց իրավաբանական ֆակուլտետի շրջանավարտ Լիաննա Այվազյանը: Երիտասարդների ակնկալիքները մեծ են և արդարացված, քանի որ «Գլաձոր» համալսարանի տված գիտելիքներն ու դիպլոմը տարիներ շարունակ կանաչ ճանապարհ են հարթել շատ շրջանավարտների համար:

READ MORE

Հայ-իրանական համատեղ կոնֆերանս՝ «Գլաձորում»

Ուսումնական տարին ավարտվեց, բայց ուսումնական և գիտական աշխատանքները «Գլաձոր» համալսարանում շարունակվում են: Հուլիսի 6-ին տեղի ունեցավ Երևանի «Գլաձոր» համալսարանի և Իրանի Իսլամական հանրապետության Ֆիշգաման ինստիտուտի առաջին համատեղ գիտական կոնֆերանսը: Կոնֆերանսը, որին մասնակցում էին երկու բարձրագույն ուսումնական հաստատությունների տնտեսագիտության ոլորտի լավագույն գիտնականները, նպատակ ուներ մեկտեղել գիտության արդի հիմնախնդիրներով զբաղվող գիտնականներին, սերտացնել կապը նրանց միջև, ինչպես նաև՝ հիմքեր ստեղծել Երևանի «Գլաձոր» համալսարանի և Ֆիշգաման ինստիտուտի հետագա համագործակցության համար: Կոնֆերանսին մասնակցում էին մոտ երկու տասնյակ հայ և իրանցի գիտնականներ: Կոնֆերանսի ընթացքում հնչած ելույթների թեմաները տարբեր էին՝ «Կառավարման գործոնների բացատրությունը Թեհրանի ֆոնդային բորսայում վերջին սերնդի ընկերությունների վերադարձելիության և իրացվելիության վերաբերյալ», Մելլաթ բանկի օրինակով ներկայացվեց «Մտավոր կապիտալի ազդեցությունը որպես բանկային արդյունաբերության ֆինանսական կատարման վերաբերյալ գիտելիքների կառավարման ցուցանիշ» ելույթը, «Ֆինանսական ճգնաժամն ու պահուստային արտարժույթը ժամանակակից գլոբալ ֆինանսական շուկաներում» և այլն: Ելույթներն ուղեկցվեցին քննարկումներով, իսկ կոնֆերանսի ավարտին մասնակիցներին հանձնվեցին դիպլոմներ: «Սա «Գլաձորի» և իրանական Ֆիշգաման ինստիտուտի առաջին համատեղ կոնֆերանսն էր, հուսով ենք՝ ոչ վերջինը: Առաջիկայում մեր ծրագրերը առավել տեսանելի կդառնան, մեր համագործակցությունը մոտ ապագայում դեռ շարունակվելու է և հուսով ենք՝ դրական արդյունք կստանանք»,-ասաց Երևանի «Գլաձոր» համալսարանի ռեկտոր ի.գ.դ., պրոֆեսոր Ժորա Ջհանգիրյանը: Իրանի Իսլամական հանրապետության Ֆիշգաման ինստիտուտի գիտնականներից մի քանիսն արժանացան Երևանի «Գլաձոր» համալսարանի պատվավոր պրոֆեսորի կոչման:

READ MORE

ԲԱՑԱՀԱՅՏԵԼՈՎ «ԳԼԱՁՈՐԸ»

«Գլաձոր» համալսարանը շարունակում է համագործակցել հանրապետության քոլեջների և ավագ դպրոցների հետ: Փոխադարձ այցերը, համագործակցությունը տարբեր ուսումնական հաստատությունների հետ նորություն չէր «Գլաձորի» համար: Բայց ահա անցյալ տարի այդ ամենը դրվեց այլ հիմքերի վրա: Բուհի և հանրապետության տարբեր քոլեջների միջև կնքվող պայմանագրերի համաձայն համագործակցությունը հարատև համատեղ աշխատանք է ենթադրում: Այն համալսարանում ուսումնառությունը շարունակելու հնարավորություն է, ինչպես նաև կողմերի միջև համագործակցություն կրթագիտական, ուսումնական գործընթացներում և կրթական այլ ոլորտներում: 

Բուհի և քոլեջների, դպրոցների միջև կնքվող պայմանագրերի և մարդկային հատկանիշների համաձայն՝ երկու կողմերն աշխատում են առավելագույն փոխըմբռնման մթնոլորտում: Տարվում են աշխատանքներ ուսումնական պլանների և առարկայական ծրագրերի փոխհամաձայնեցման և բարելավման աշխատանքների շուրջ, անհրաժեշտության դեպքում կազմակերպվում են համապատասխան մեթոդական և մասնագիտական օգնություն ուսանողների փոխադրման գործընթացը առավել արդյունավետ կազմակերպելու նպատակով և այլն:

Այս տարի «Գլաձորի» ներկայացուցիչները հանդիպել են Երևանի տարածաշրջանային    թիվ 1, Երևանի թեթև արդյունաբերության, Երևանի պետական ֆինանսատնտեսագիտական, Երևանի պետական տեխնոլոգիական, Ն. Աճեմյանի ավան տարածաշրջանային թիվ 2 պետական քոլեջների հետ:

Հանդիպելով քոլեջների ուսանողների հետ՝ «Գլաձորի» ներկայացուցիչները հնարավորություն են ընձեռնում ծանոթանալ բուհի պատմությանը, կատարած աշխատանքներին, թե որտեղից է գալիս և ինչ ճանապարհ է պատրաստվում անցնել, հասկանալ, թե ինչպես է այս բուհում գնահատվում գիտելիքը և որքան անաչառ վերաբերմունք է ցուցաբերվում ուսանողին և նրա գիտելիքներին: 

Քոլեջների ուսանողները, այցելելով «Գլաձոր» համալսարան, ծանոթանում են բուհի շենքային պայմաններին, մասնակցում սեմինարների և հատուկ դասընթացի, որը ներկայացնում է «Գլաձորի» դասախոս Դանիել Ջհանգիրյանը: Ասել է թե՝ հնարավորություն են ունենում մի քանի ժամով իրենց գլաձորցի զգալ: Ու պատահական չէ, որ այսօր արդեն համալսարանի երկրորդ կուրսի ուսանողների շարքերում քիչ չէ քոլեջներն ավարտած ուսանողների թիվը: 

«Ես ավարտել եմ Ն. Աճեմյանի անվան թիվ 2 պետական տարածաշրջանային քոլեջը, որը սերտորեն համագործակցում է  «Գլաձոր» համալսարանի հետ: Ծանոթանալով այժմ արդեն ինձ հարազատ դարձած բուհի տված գիտելիքներին, հնարավորություններին ու նաև մասնագիտություններին, ընտրեցի ինձ հոգեհարազատը: Ուրախ եմ նշել, որ բոլոր սպասելիքներս արդարացել են»,- խոստովանում է իրավաբանական ֆակուլտետի ուսանողուհի Գայանե Ավագյանը: Քոլեջի շրջանավարտ է նաև իրավաբանական  ֆակուլտետի ուսանող Աշոտ Հովհաննիսյանը, ով  արդեն որպես «Գլաձորի» ուսանող մեծ ոգևորությամբ իր կրտսեր ընկերներին ներկայացնում է գլաձորցի լինելու առավելությունները: «Դեռևս մեկ տարի առաջ ինքս որպես քոլեջի սան համակ ուշադրությամբ լսում էի «Գլաձոր» համալսարանի ստեղծման և անցած ուղու պատմությունը: Այսօր ինքս արդեն լինելով այս բուհի ուսանող՝ գիտակցում և գնահատում եմ գլաձորցի լինելու առավելությունները: Միայն մեզ է հայտնի, թե որքան նվիրում կա դասախոսների կատարած աշխատանքի մեջ, որքան պատրաստակամություն՝ մեզ՝ ուսանողներիս, գիտելիքներով հարուստ և պետությանը արժանի անհատներ դաստիարակելու գործում»,- ասում է Աշոտ Հովհաննիսյանը: 

Բուհի և քոլեջների միջև կնքվող պայմանագրերը մի շարք առավելություններ են տալիս վերջիններին: Քոլեջների  սաների համար կազմակերպվում են հանդիպում-քննարկումներ, հնարավորություն է տրվում անհրաժեշտության դեպքում օգտվել համալսարանի նյութատեխնիկական ռեսուրսներից, իրականացվում է քոլեջից համալսարանի բակալավրիատի 2-րդ կուրս փոխադրվող շրջանավարտների ուսուցումը, ապահովվում է քոլեջների շրջանավարտների համար համալսարանում ուսման շարունակումը՝ սահմանված տարեկան ուսման վարձի 10% զեղչի արտոնությամբ, իսկ քոլեջի շրջանավարտներից համալսարանում ուսումնառության առաջին տարում յուրաքանչյուր մասնագիտության գծով առավել բարձր միավորներ ստացած ուսանողները սովորում են անվճար: 

Մեկ անգամ լինելով Երևանի «Գլաձոր» համալսարանում, տեսնելով թե ինչ հնարավորություններ են ընձեռնվում ուսանողներին՝ համակարգչային սրահներ, լինգաֆոնային կաբինետներ, լավագույնս կահավորված լսարաններ և այլն, դժվար է պատկերացնել՝ թե ինչպես կարելի է ուսանողական տարիներն անցկացնել մեկ այլ վայրում: Իսկ այնտեղ տրվող գիտելիքների մասին վկայում են տարիները, շրջանավարտները, ովքեր վայելում են հանրության հարգանքը և ըստ արժանավույն գնահատվում գործատուների կողմից, և շնորհիվ բարձրակարգ դասախոսական կազմից ստացած գիտելիքների զբաղեցնում բարձրագույն պաշտոններ: 

 

Ն.ՍԱՐԳՍՅԱՆ

 

READ MORE

«Գլաձորը» մասնակցեց «Կրթություն և կարիերա էքսպո 2016-ին»

Ապրիլի 20-22-ը «Yerevan expo» ցուցահանդեսային համալիրում կայացավ «Կրթություն և կարիերա էքսպո 2016» 16-րդ միջազգային մասնագիտացված ցուցահանդեսը, որին մասնակցում էին հանրապետությունում ճանաչում ունեցող մի շարք բարձրագույն և միջին մասնագիտական կրթական հաստատություններ: Բուհերի շարքում իր ուրույն տեղն էր զբաղեցնում նաև Երևանի «Գլաձոր» համալսարանը:

«Գլաձորն» այս և նմանատիպ այլ ցուցահանդեսների մասնակցում է ոչ առաջին անգամ՝ նպատակ ունենալով դպրոցների ավագ դասարանների և քոլեջների շրջանավարտներին ներկայացնել բուհում գործող մասնագիտությունները, ուսանողներին ընձեռնվող լայն հնարավորությունները և այլն: «Այսպիսի միջոցառումները սեփական արտադրանքը, հաջողությունները, ձեռքբերումները հանրության ուշադրությանը ներկայացնելու համար են,-ասում է Երևանի «Գլաձոր» համալսարանի ռեկտոր Ժորա Ջհանգիրյանը,- հուսով ենք՝ սա ևս մեկ հնարավորություն կլինի, որպեսզի արժանի դիմորդները գտնեն իրենց համապատասխան կրթական հաստատությունը»:

Եռօրյա ցուցահանդեսի ընթացքում այցելուներին գրավում էր «Գլաձորի»՝ հարևան բուհերից էականորեն տարբերվող տաղավարը: Ներկայացված էին բուհի 25 տարիների ընթացքում կատարած աշխատանքների մասին փաստող մի շարք տպագրված նյութեր՝ ուսումնական ձեռնարկներ, Վահագն Դադրյանի «Հայոց ցեղասպանության պատմություն» գիրքը՝ թարգմանված և տպագրված «Գլաձորի»  օժանդակությամբ, 25-ամյա հոբելյանին նվիրված գրքույկը, թերթեր, աշխարհի հայկական բարձրագույն ուսումնական հաստատությունների մասին պատմող 2016 թվականի օրացույցը և այլն:

Իսկ ահա խելացի գրատախտակը, որի օգնությամբ «Գլաձորում» կազմակերպվում են մի շարք դաս-պարապմունքներ, անտարբեր չէր թողնում նույնիսկ երեխաներին: «Գլաձորի» անցած ճանապարհի, ծավալած գործունեության և հաջողությունների մասին պատմող ֆիլմը ևս ներկայացված էր «Էքսպո 2016-ի» ժամանակ:

 

 

«Ես մասնագիտությամբ լեզվաբան եմ և այժմ փնտրում եմ այնպիսի ուսումնական հաստատություն, որի մագիստրատուրայում սովորելով կկարողանամ հարստացնել գիտելիքներս,-ասաց «Գլաձորի» տաղավարից երկար չհեռացող Տաթևիկ Մանուկյանը,-ու կարծում եմ՝ հենց նոր գտա այն: Սեպտեմբերից «Գլաձորում» եմ սովորելու»: 

READ MORE
Ավելին