Երևանի «Գլաձոր» համալսարանի Ինֆորմատիկայի ֆակուլտետը ստեղծվել է 2003թ.ին: Ֆակուլտետը ղեկավարում է Տեխնիկական գիտությունների դոկտոր, պրոֆեսոր Համլետ Հարությունի Հարությունյանը:
Ամբիոնն աշխատանքները կազմակերպելիս ղեկավարվում է ՀՀ ԿԳՄՍ նախարարության, համալսարանի գիտական խորհրդի որոշումներով, ամբիոնի կանոնադրությամբ , ամբիոնի կիսամյակային աշխատանքային պլաններով և կանոնակարգող ներքին այլ փաստաթղթերով։ 2006-07 ուս. տարվանից ֆակուլտետն անցում է կատարել ուսուցման եռաստիճան համակարգի՝ բակալավրիատ, մագիստրատուրա և ասպիրանտուրա:
2007 թվականից ներդրված է կրեդիտների կուտակման և փոխանցման համակարգ: «Ինֆորմատիկայի» ամբիոնը ծավալում է լայն գիտական գործունեություն: Ամբիոնի դասախոսներն ակտիվորեն մասնակցում են «Գլաձոր» համալսարանի պրոֆեսորադասախոսական կազմի և ասպիրանտների ամենամյա գիտաժողովներին: Գիտաժողովին ներկայացրած գիտական զեկույցները լույս են տեսնում համալսարանի պրոֆեսորադասախոսական կազմի և ասպիրանտների ամենամյա գիտաժողովների նյութերի
ժողովածուներում:
Ինֆորմատիկայի ֆակուլտետի ուսանողները հնարավորություն ունեն ստացած տեսական
գիտելիքները կիրառել պրակտիկայում:
Ամբիոնի նպատակներն ու խնդիրներն իրականացնելու, «Ինֆորմատիկա» մասնագիտության մասնագիտական կրթական ծրագրով նախանշված վերջնարդյունքների ձեռքբերումն ապահովելու և այլ նպատակներով, ամբիոնի դասախոսական համակազմը մշտապես համալրվել և համալրվում է դոկտոր-պրոֆեսորներով, թեկնածուներով և դոցենտներով: Գործնական բնույթ կրող դասընթացների դասավանդումը շարունակվում է իրականացվել ոլորտում պրակտիկ աշխատանքով զբաղված մասնագետների կողմից:
.jpg){kind=avatar}
Նախաավարտական ուսումնաարտադրական և գիտահետազոտական պրակտիկաներ կազմակերպելու նպատակով՝ «Գլաձոր» համալսարանի Ինֆորմատիկայի ամբիոնը համագործակցում է ինչպես պետական այնպես էլ մասնավոր կազմակերպությունների հետ:
«Ինֆորմատիկայի» ամբիոնը, նախապես սահմանված ժամանակացույցին, ամբիոնի միասնական գիտահետազոտական ռազմավարությանը և թեմատիկ պլանին համապատասխան, ամիսը մեկ անգամ կազմակերպում և իրականացնում է գիտական սեմինար: Ուսումնառողները պարբերաբար մասնակցում են տեղեկատվական տեխնոլոգիաների ոլորտին առնվող մասնագիտական հանդիպումների տեղացի և արտասահմանյան ծրագրավորողների հետ, մասնակցում Տեղեկատվական տեխնոլոգիաներ, անվտանգության և կապի միջազգային մասնագիտացված ցուցահանդեսների՝ Comp EXPO, Digitec, «ԱրմՀայԹեք» տեխնոլոգիական ցուցահանդես և այլն:
