Հանդիպում Արարատյան Հայրապետական թեմի առաջնորդարանում

2025 թ. ապրիլի 11-ին ԵԳՀ Հակոբ Հակոբյանի անվան միջազգային հարաբերությունների ամբիոնի դասախոս Թեհմինե Մարտոյանի նախաձեռնությամբ Միջազգային հարաբերությունների 2-րդ կուրսի ուսանողներն Արարատյան Հայրապետական թեմի առաջնորդարանի դահլիճում հանդիպում-քննարկում ունեցան քրիստոնյա հոգեբան Արմինե Վահանյանի հետ։  

Հանդիպումն ուշագրավ էր և հագեցած. այն անցավ ջերմ և մտերմիկ մթնոլորտում, որի ընթացքում ուսանողները բացահայտեցին հոգևոր արժեքների և հոգեբանական գիտելիքների համադրման կարևորությունը. «Շատ մտքեր հնչեցին, որոնք խոր անդրադարձ են թողել մեզ վրա՝ հարստացնելով մեր ներաշխարհը և մտածելու նոր հորիզոններ բացելով»,– խոստովանեցին ուսանողները:

Մեր խորին երախտագիտությունն Արարատյան Հայրապետական թեմի աշխատակազմի ղեկավար Ալմաստ Մուրադյանին և քրիստոնյա հոգեբան Արմինե Վահանյանին՝ համագործակցության, դասախոսության և հարցուպատասխանի համար:

‍