Երևանի «Գլաձոր» համալսարանի «Ընդհանուր բժշկության» ամբիոնը հիմնադրվել է 2021 թվականին։ Նորաստեղծ ամբիոնն արդեն հասցրել է գրավել բազմաթիվ հայ և արտասահմանցի ուսանողների ուշադրությունը: Այսօր Երևանի «Գլաձոր» համալսարանում սովորում է մոտ 200 արտասահմանցի ուսումնառող։ Բժշկագիտության և ստոմատոլոգիայի ֆակուլտետների հաջողության մասին են վկայում ուսանողների սիրով դասի հաճախելը, նրանց դրական կարծիքը՝ համալսարանի վարչական կազմի ևպրոֆեսորադասախոսական անձնակազմի հանդեպ, և ամենակարևորը՝ բարձր են գնահատումմատուցվող դասախոսությունների որակը։ Համալսարանում որդեգրված է քաղաքականություն՝ «յուրաքանչյուր ուսանողի հանդեպ դրսևորել անհատականմոտեցում» ձևաչափով։
Հիմնադրման առաջին օրից ամբիոնի ղեկավարման աշխատանքները ստանձնել է Կենսաբանական գիտությունների թեկնածու Լիլիթ Սուքիասյանը, 2024թ.-ից ամբիոնի ղեկավարն է կենսաբանական գիտությունների դոկտոր, պրոֆեսոր Հ․Գ․Վահրադյանը:
Ամբիոնի նպատակներն ու խնդիրներն իրականացնելու, մասնագիտական կրթական ծրագրերով նախանշված վերջնարդյունքների ձեռքբերումն ապահովելու նպատակով ամբիոնի դասախոսական համակազմը մշտապես համալրվում է դոկտոր-պրոֆեսորներով, գիտության թեկնածուներով և դոցենտներով, ոլորտի լավագույն մասնագետներով: Ներկայում «Ընդհանուր բժշկագիտության» ամբիոնում դասավանդում է 24 դասախոս:
Նախաավարտական ուսումնաարտադրական և գիտահետազոտական պրակտիկաներ կազմակերպելու նպատակով՝ Երևանի «Գլաձոր» համալսարանի Բժշկագիտության և Ստոմատոլոգիայի ֆակուլտետները համագործակցում են հանրապետության առաջատար կլինիկաների՝ «Էրեբունի» ԲԿ-ի, «Արմենիա» ԲԿ-ի, ստոմատոլոգական կլինիկաների հետ: Սերտ է համագործակցությունը հանրապետության միջին մասնագիտական ուսումնական հաստատությունների՝ «Էրեբունի» բժշկական ակադեմիա հիմնադրամի, Գավառի պետական բժշկական քոլեջի, Վարդենիսի բժշկահումանիտար քոլեջի, Արարատի պետական բժշկական քոլեջի, Մեհրաբյանի անվան բժշկական քոլեջի հետ:
«Ընդհանուր բժշկության» ամբիոնը, նախապես սահմանված ժամանակացույցին, ամբիոնի միասնական գիտահետազոտական ռազմավարությանը և թեմատիկ պլանին համապատասխան, ամիսը մեկ անգամ կազմակերպում և իրականացնում է գիտական սեմինարներ: Իրականացվում են հանդիպումներ ոլորտի հեղինակավոր ներկայացուցիչների, առաջատար մասնագետների հետ՝ նպատակ հետապնդելով գիտաուսումնական գործընթացին զուգահեռ ուսումնառողներին ծանոթացնել ոլորտում առկա փոփոխություններին, ձեռքբերումներին: Մասնագիտական դասընթացների շրջանակում դասավանդող մասնագետի ուղեկցությամբ ուսումնառողները այցելում են համապատասխան կլինիկաներ, լաբորատորիաներ:
