Երևանի «Գլաձոր» համալսարանի տնտեսագիտական ֆակուլտետը ստեղծվել է 1991 թվականին, որի կազմում գործում է Ընդհանուր տնտեսագիտության ամբիոնը: Ամբիոնի առաջին վարիչ է եղել տ.գ.թ., պրոֆ. Լուկաշեն Հովակիմի Բադանյանը (1992-1993), այնուհետև` տ.գ.թ., պրոֆ. Հովհաննես Կարապետի Հովհաննիսյանը (1993-2001):
2001 թվականից ամբիոնը ղեկավարել է տ.գ.թ., պրոֆ. Խորեն Ալբերտի Մխիթարյանը, 2019-2020թթ՝ տ.գ.թ., Բակուր Վ. Մարտիրոսյանը, 2020-2021թթ՝ տ.գ.դ., պրոֆ Սերգեյ Ս. Սուքիասյանը, 2021թ.-ից մինչ օրս ամբիոնը կրկին ղեկավարում է տ.գ.թ., պրոֆ. Խորեն Ալբերտի Մխիթարյանը :
2004-2005 ուս. տարվանից ֆակուլտետն անցում է կատարել ուսուցման եռաստիճան համակարգի՝ բակալավրիատ, մագիստրատուրա և ասպիրանտուրա:
2007 թվականից ներդրված է կրեդիտների կուտակման և փոխանցման համակարգ:
2007-2008 ուս. տարվանից տնտեսագիտական ֆակուլտետում գործում է նաև հեռակա բաժին՝ ուսման տևողությունը 5 տարի:
Ամբիոնն իր աշխատանքները կազմակերպելիս ղեկավարվում է ՀՀ ԿԳՄՍ նախարարության, համալսարանի գիտական խորհրդի որոշումներով, ամբիոնի կանոնադրությամբ, ամբիոնի կիսամյակային աշխատանքային պլաններով և կանոնակարգող ներքին այլ փաստաթղթերով։
Ամբիոնի նպատակներն իրականացնելու, մասնագիտական կրթական ծրագրով նախանշված վերջնարդյունքների ձեռքբերումն ապահովելու նպատակով ամբիոնի դասախոսական համակազմը մշտապես համալրվել և համալրվում է դոկտոր-պրոֆեսորներով, թեկնածուներով և դոցենտներով, ոլորտի լավագույն մասնագետներով: 2015թ. դրությամբ ամբիոնում դասավանդում են 13 դասախոս:
Նախաավարտական ուսումնաարտադրական և գիտահետազոտական պրակտիկաներ կազմակերպելու նպատակով՝ «Գլաձոր» համալսարանի Ընդհանուր տնտեսագիտության ամբիոնը համագործակցում է ՀՀ Կենտրոնական բանկի, ՀՀ առևտրային մի շարք բանկերի՝ «Արդշինբանկ» ՓԲԸ-ի, «Ամերիաբանկ» ՓԲԸ-ի, «Արարատբանկ» ՓԲԸ-ի, «ԱյԴի Բանկ» ՓԲԸ-ի, «ՎՏԲ-Հայաստան Բանկ» ՓԲԸ-ի, «ՅՈՒՆԻԲԱՆԿ» ՓԲԸ-ի, «Էվոկաբանկ» ՓԲԸ-ի, «ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ» ՓԲԸ-ի, «Հայէկոնոմբանկ» ԲԲԸ-ի, «Ինեկոբանկ» ՓԲԸ-ի, «Կոնվերս բանկ» ՓԲԸ-ի, Հայաստանի Հաշվապահների Ասոցիացիայի, «էլ Ֆոր» Հաշվապահական Կենտրոնի, ՀՀ ԳԱԱ Մ. Քոթանյանի անվան տնտեսագիտության ինստիտուտի հետ:
«Ընդհանուր տնտեսագիտության» ամբիոնը, նախապես սահմանված ժամանակացույցին, ամբիոնի միասնական գիտահետազոտական ռազմավարությանը և թեմատիկ պլանին համապատասխան, ամիսը մեկ անգամ կազմակերպում և իրականացնում է գիտական սեմինարներ: Իրականացվում են հանդիպումներ ոլորտի հեղինակավոր ներկայացուցիչների, առաջատար մասնագետների հետ՝ նպատակ հետապնդելով գիտաուսումնական գործընթացին զուգահեռ ուսումնառողներին ծանոթացնել ոլորտում առկա փոփոխություններին, ձեռքբերումներին: Պարբերաբար կազմակերպվում են այցեր Կենտրոնական բանկ և այլ ոլորտային կառույցներ:
